У разгар сонечнага лета, калі так гулліва пырхаюць рознакаляровыя матылі і бясконца трашчаць конікі ў ДУА “Яслі-сад аграгарадка Кадзіна” прайшло
фальклорнае свята Купалле.
Да выхаванцаў установы дашкольнай адукацыі завіталі ў госці Купалінка (Краснабаева А.С.) і Купаліш (Самсонава В.Л.), якія з асобым натхненнем пазнаёмілі ўсіх прысутных з паэтычнымі паданнямі, легендамі і абрадамі беларусаў. Дзеці с асалодай вадзілі карагоды, спявалі песні, пускаліся ў скокі.
У госці да іх прыйшла і сама спадарыня Лета (Рыжанкова М.М.). Лета-чырвонае нагадала пра традыцыі святкавання Купалля, цудадзейную ў купальскую ноч сілу дрэў, траў і кветак, якія надзяляліся дарам мовы, магчымасцю рухацца і нават перешэптвацца сваім лісцем.
Добры настрой не сапсавалі ні Ляшун (Бушлякова А.І.), ні Ведзьма (Ласоцкая С.І.). Як яны толькі не спрабавалі збіць выхаванцаў са “сцежак – дарожак”, але, канешне, нічога ў іх не атрымалася. Папараць – кветка знойдзена! А каб кожны быў шчаслівы ўсё жыццё, дзеці перадавалі яе з рук у рукі, жадаючы радасць і добрых адносін адзін аднаму.
Але на гэтым свята не скончылася! Наш Музыка (Ледзяева І.А.) працягваў песні граць і ўзначальваць карагоды каля кастра. Купаліна з Купалішам запалілі касцёр і кола. Раней лічылася, хто скокне вышэй і не дакранецца да полымя, будзе шчаслівым. З задавальненнем усе прыгалі праз вогнішча (імітацыю), нават сярод дарослых знайшлося шмат жадаючых, бо кожнаму хочацца быць счаслівым! І тут самае галоўнае: верыць у магічную і цудадзейную сілу, і гэта абавязкова збудзецца!